ماذا أفعل ؟؟

ماذا أفعل ؟؟

  • 41792
  • 2019-01-22
  • 303
  • ......

  • السلام عليكم ورحمه الله وبركاته \\\ فضلا مشكلتي وصلت لنقطة محتارة هل الا بأفعله صح والا غلط ؟؟ عشن اعرف اطور واتعلم من غلطي اذا صح اصر والا التفت للحاسدين من حولي !! \\ بداية للاسف كشخصية من ولدت في بيئة ام واب عصبيين جدا لدرجة ماعندي ثقة بنفسي بتاتا لانه كنت اتهزاء واسمع كلام جارح حتى ع رأيي في حال ماناسبهم وطبعا كنت انسانة متخبطة وخجولة وللاسف ربي يسامحنى ويتوب ويرفع عني امارس العادة للاسف من صغري ماكنت اعرف ايش بااعمل الين كبرت فهمت وندمت ويا رب يقبل توبتي ادعولي بالثبات والتحصن الحلال ! \\ نقطة تغيري من المرحلة الثانوية كم حدث سار للاسف امي وابويا ربي يرزقنا برهم ورضاهم آمين ،، لكن ماكانوا عون بتاتا اتفهم غلط واتهزاء رغم انا المظلومة من معلمة بالاخص من يتبلوا عليا بالاضافة شخصيتي جدا جدا حساسة وازعل بسرعة مما يسبب ف اوقات كثيرة انه قلبي من جد مكسور مش مرة والا اتنين لانه باانظلم من اهلي والبيئة المحيطة ،، غيرت من نفسي انه حياتي كدا ماينفع أمنت اكثر بيها حاولت جاهدة بكم طريق وكل مرة افشل وافشل للاسف للآن بأفشل مرة بس حمدالله الا صابت معايا وللاسف موللنهاية كمان ! \\الزبدة تخصصي كيمياء وعاجبني حمدالله من اتخرجت كنت اسمع من والدي عدم رضاه عن التخصص وللاسف يعرف قدرات وتحصيلي منعوني من الطب والا معدلي مدرسة يجيب وقيد حلم حياتي ،، اشتغلت فترة بسيطة ف مصنع للاسف الشديد سمعت عبارة شغلك مابيرفع راسي رغم كنت مبسوطة كيمياء لكن ضغط اهلي وضغط اني انظلمت مكان عملي من المشرف مايبغى يعلمني ويتبلى عليا بطريقة ف حياتي ماشفتها كنت ارجع اتعب نفسيا واوقات ابكي من عدم التحمل وللاسف المدير حتى ان خبرته ارضاء لرغبه المشرف عايدي يهنني ويهزئني قدامه ، وبيني وبين المدير يقولي حياة العمل لازم تتعلميها واحداث واشياء كثير صبرت عشن العقد الين شفت حجة واستغلت رغم مرة حابة الصنعة للاسف كنت والازلت وكل يوم احسبن عليهم !! \احس نفسي هبلة رغم اكره احد يسبني لو قليل ودايم اسمع سايسي من شخصيتي مااتعلمت كيف انافق زي ماالكل يعمل يضحك ف وجهك وهوا مايبغاكك للاسف بيستغلوني كثير وبيجرحني سرت حريصة ماابغى اعطي يعني ماابغى كونت شخصيتي وثقتي حمدالله بفسي وحبيت نفسي لكن مشكلتي كيف اتعامل مع الناس واسايس واقول كلام حلوو اتعود ع السب والجد بس ما اعرف واحاول اتابع تطوير ذات احاول اطبق وافشل ومرة مرة احزن لدرجة والله احس قلبي مكسور شيء مومعقول احس وحيده ف العالم ،، اقرب اخواتي احكيهم كل كل شيء اتفاجاء يجي موقف مالو داعي بعيد عن المزح الا يقولولي منافقة او سوسة !! \افكر ايش عملت عشن استاهل كدا صفات ؟؟ وانكسر حقيقي والله بنكسر بالاخص اكون واقعية انا سمراء ومجتمعنا لازال فيه عنصرية للاسف ف المواقف الوظايف المرموقة قليل او نادر احس ننقبل فيها قدمت كذا مرة معيده وسار موقف ف جامعة القريات يبان عشن لوني ،، طبعا الا من رحم ربي يتعامل معانا بإنسانية وعدل وجزاء الله خير ملكنا وبلدتنا عدلت اعرف ماقصرو لكن للاسف البشر الا عايشين حولنا ،، بس استغرب كدا وظايف ليش مافي سمر مافينا علماء والا مانقدر نعطي ؟؟ اترفضت السنة الا فاتت ف كل الجامعات حلمي اكمل بإذن الله ع خير دراستي يا رب ف الجامعة الا اتمناها وهي حلم بالنسبة ليا حقيقة مااعرف كيف احققة !\قلت خيرة ونجرب تاني بس الكسرات ورى بعض بتجيني كيف اتحمل !! \بالاضافة عشن لوني وماانكر الحقيقة المؤلمة قضاء ربي والا اعارض شعري قصير ايوة اكيد عمروا محد خطبني صح مش مقياس بس دايم الا يخطبوا حتى اخواتي يكونوا اغلبهم اجانب او انه حالوا ع قده لا اعتراض واعرف وفاهمه مش مقياس لكن ماشاءالله بيتزوجوا دكاترة ومهندسين وطيارين وبيعيشوا مرتاحين صح ربي ياخد ويعطي وربي يسامحني ع كلامي لكن احس بسبب امي وابويا كمان مايمدحونا ودايم يصغرونا قدام الناس رغم ماعندنا خدامة ووالله بتعب جدا اوفق بين دراستي ولم لمت البيت والظروف والاحداث الا تسير معكرة حمدالله اتخرجت بنسبة حلوة نسبيا لكن مش عالية زعلت طبيعي لانه بزلت اضعاف مضاعفة من المجهود ،، حاليا بطور لغتي كل ماابذل مجهود للاسف مااحصل مجهودي يسير العكس ابغى اعرف ايش الغلط الا عملته طيب يسير اصحح من نفسي واتعلم من فشلي اراجع مافي ؟؟ \الاقرب اليوم الاستاذة في التقييم دايم اشارك اكثر من الكل واساعد الا جنبي مش فاهمة اتقيم اقل منها حسيت بكسرة قلب ماتبغاني اكون شاطرة معاها يعني والا ايش ؟؟ اتعرفت ع وحدة ف المعهد هدفنا واحد نبغى نتعلم انجلش لمستقبلنا يا رب باهر يكون لكن قرارة نفسي اعرف انه معرفة كل واحد مصلحته ومعد حنعرف بعض محد كامل حتى انا بس احس عمرة ماقربت صاحبة مني لانه اعرف مافي شيء يدوم وكله يخون ،، علما فلوس المعهد من شغلي السابق جمعتها ابويا قالي مح اعطيكي فين راتبك مابتعطيني منه رغم يعرف قليل وبتقاسم مع السواق الا كان يوصلني وحجته اكل انا بااجيب طيب احتياجاتي وكسوتي مين يدفعها حاسب لي الريال ويعرف غلاء معيشة اتهزاء مبزرة وربي يعلم انه ناقصني اشياء اولها الواحد موجاحد نعمهم علينا يجزاهم الجنه لكن دولابي مكسور ملابسي ف شنطة سارت انا واختي الدولاب زينه عنده دي مكملات مو اساسيات !! \رغم يتصدق واحس يتصدق وينفق ع الغريب لكن مايعطينا ومااحب اطلب من كتر المواقف الا ماتتحكى مايقصر اوقات لكن اوقات مااعرف ايش بيسير ويعاملنا كدا حمدالله ع كل حال !\ قررت انه اتكلم الا ف نفسي والا احبس عشن لا امرض اعرف الكل عنده مشاكلة لكن محتاجة افضفض لنفسي فتحت حساب تويتر افضفض لتفسي عشن ارتاح ووالله احاول مااعطي ربي واستغفر رغم حصلت مناقشة وانبسطت بتكلم مع واحد حتى مومتزوج عشن لا خيانة والا شيء لكن قرارة نفسي رافضة وخب ته انتهينا نقاش بالمهم انا عندي مبداء طبعا ولد واعرف كلهم كداا يبغوا غرض وبيكلموا مليون وحدة زي ماكلمني اكيييد !! \\\اعرف ماابغى اتعلق لانه مجروجة وهوا اكيد شيء مؤقت او مصحلة لما اشتغلت ف المصنع كدا برضة كان فيه موظف يكلمني ويقول بيننا عني اعرف مو حب لكن كنت اكلمه ابغى اعرف اكثر كيف تفكير الا بيشتغلوا وقيده من الادارة فااعرف اكثر عن المدير هوا بالعدد 3 مرات كلمته ولما ماشاف مصلحته عندي طبعا سحب لانه طلبت منه اسم تخصص وكدا وسحب فعرفت مصلحة وبس !! \طبعا بصون نفسي قد مااقدر احس وصلت نقطة مااعرف اصرخ والا اصرخ نفسي اعرف ايش الغلط او الذنب الاسويته ربي مانعني اوصل يآ رب مااكون مستعجلة اللهم لا اعتراض لقضائك وقدركك بس حاليا باادور وظيفة كل ماافرح ف الصباح خبر ينكد ف الليل وسار الاخبار النكد اكثر من المفرحة لدرجت تعطلني ماابغى أيأس بسببها لانه حاسة سرت انا سند نفسي وبس محد حاس بمضارباا مشاعري الا احسها !! \\\احلامي ماشاءالله بتتحقق لغيري اليوم عرفت ماشاءالله ربي يزيدها والا يغير عليها آمين ويسعدها ويرزقنا تخصصها طب ودخلت الجامعة الا كانت حلم حياتي بتكمل فيها تبارك الرحمن ،، فكرا انه حلمي غيري حققة مااعرف ربي ايش اخد منها لكن حمدالله ع كل حال !\\\ايش الحل وكيف اتعامل مع الا حولي سرت مااصدق احد وجافة مرة لدرجة الانطباع الاول عني مرة سيء للكل ايش اعمل واتغير عشن تتغير حياتي يمكن بسبب مااعرف اتعامل اوقات اختي كانت تقولي انتي ماتعرفي تتكلمي كنت ازعل لانه الطريقة الا وصلت لي المعلومة بس حقيقي كيف اتعلم اتكلم بسرعة بديهه وارد رد ذكي ع الناس ف المواقف !! \\\\عذرا طولت بس محتاجة حقيقي افضفض بطريقة اشياء استحي ومستحيل حتى حسابي الا فتحته ف تويتر للفضفضة اكتب كدا فيه لانه برضة تويتر كانه الشارع مااتعودت كدا !! \\\يعطيكم العافية
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2019-02-16

    د الجوهرة بنت سعود الجميل

    حياك الله أختي الكريمة ؛
    الحساسة
    الحالمة..ذات الخيال المتسع
    الحمد لله
    أنت جامعية ولديك والدين ولديك مبدأ وقيم وعاقلة لم يستطع أحد أن يخترق عفافك
    ربما انطباعاتك عن المواقف وحساسيتك هي اللي جعلتك تفسرين بعض المواقف بحساسية ..
    لو كنت مثلا ما أخذت بكالوريوس كيمياء بمعدل طيب (هذا تخصص علمي لايبدع فيه إلا العباقرة )،
    أنت مشروع عالمة ومخترعة ...اجعلي هذا حلمك
    وابحثي بالنت كيف تستفيدبن وكيف تلتحقين بالجهات الداعمة
    ولا يهمك ،
    نحن كبشر خلقنا الله لعبادته ونحن لا نختار والدينا ولا ألواننا ولا أصلنا كل ذلك من الله (الإنسان مسير وليس مخير)
    ويحق لك الفخر بلونك (السمارة أمارة) ..
    عزيزتي
    حبي نفسك ..واعتزي بوالديك ..وافخري بشهادتك وتفوقك..
    واجعلي الحمد منهجك

    استمري بدراسة اللغة وتطوير الذات
    واشغلي 2 ساعة من وقتك يوميا لحفظ القرآن وتدبر ما تحفظين (سبحان الله مفتاح الطمأنينة والطلاقة اللغوية ) ،
    وكلما قربت من الله قاربت من التفوق ،
    عزيرتي ؛
    التوفيق ببر الوالد والرزق ببر الوالدة (قبلي أياديهم يوميا واطلبي رضاهم) واتجهي لعملك
    بعد صلاة الفجر واقضي ساعتين في حفظ القرآن واختاري الطريقة الأنسب لك وإذا شرقت الشمس صلي ركعتين الشروق وقبلها وردك اليومي
    واجعلي هذه الخبئية يوميا وستجدين البركة والخبر والرزق ،
    ونظمي عمل البيت بمشورة الأم ومساعدة الأخوات بتوزيع المهام.
    حاولي التقديم بمشروع عن طريق ريادة وغيرها من الفرص
    فالانسان الناجح لاينتظر وإنما يبادر (ولكل مجتهد نصيب) ،
    إدارة الوقت سر النجاح
    لاتنظري لمشاعر وردود فعل والديك (لايوجد والد على وجه الأرض إلا ويحب أبناءه ويخشون عليهم من كل شي) مع إختلاف الأساليب ..التي هي هبة من رب العالمين ..

    أحسن كما أحسن الله إليك ...دوما العمل الحسن له وقعه الطيب في النفوس ،

    واجعلي معيار الحلال والحرام ورضا الله هو المقياس الأول ثم رضا الوالدين ..واستمتعي بكل شي في حياتك ،

    ونظمي وقتك وخذي نصائحي وأرسلي لي بعد شهرين ،

    وفقك الرحمن ..
    د.الجوهرة الجميل .
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات